ازيكم يا شباب الثانوية يا رب تكونوا بخير
حابب اتكلم عن حوار التوتر فامتحانات الدروس وبتقول لنفسك اذا كان انا بتوتر دلوقتي اومال فاخر السنة هعمل ايه
بص انا بشبها لنفسي بتشبيه كدا يا رب ينفع معاك
انت دلوقتي مش عايز تبقي دكتور ؟
الاجابة : اه دا حلم عمري
كويس هل الدكتور دا عايش حياة هنية ومستمتع وبيروح العيادة يلم 20 الف كل يوم ويروح ويستمتع اخر استمتاع وحياته نعيم وقاعد مع ولادة اليوم كله ومراته وبيروح الساحل ومقضيها ؟
لو انت فاكر ان حياة الدكتور كدا فانت غلطان اوي
حياة الدكتور سواء طالب او امتياز او متخرج وفتح عيادة ما هي الا سلسلة من الضغوط النفسية والعصبية والحياتية واي نوع من انواع الضغوط موجوة بيتعرض ليها الدكتور الناجح ( وركز ع كلمة الناجح دي ) تخيل كدا انك فعملية وحصل نزيف فجاة او حصل اي حاجة انت مش متوقعها وخلاص المريض فضله دقيقتين وهيسافر لفوق ولنفرض ان المريض دا حد من اهلك اخوك او اختك
انت تفكيرك هيتشل حرفيا تخيل اخوك نايم عالسرير قدامك وهيموت فدقائق وانت مش عارف تتصرف !! هل دا مش توتر ؟
دا ابو التوتر كله
فانت عشان تبقي دكتور ناجح لازم تكون بتعرف تسيطر ع اعصابك فالمواقف الصعبة عشان تعرف تفكر بعقلانية وتخرج من الازمة الي انت فيها باقل الخسائر
طيب ايه علاقة الهري دا بالثانوية العامة
تخيل بقي ان الثانوية العامة دي هي اختبار التوتر عشان يتم قبولك فالكلية
يعني ينفع تدخل الكلية وانت اي حاجة بتهزك وتخليك توتر وتبوظلك تفكيرك ساعتها اما تبقي فعملية هتموت الاف الناس هل ربنا يرضي بكدا ؟
طبعا متقوليش انا ببذل مجهود فربنا هيكافئني علي مجهودي
علي راسي
بس مشكلة التوتر دي من ضمن الحاجات الي محتاجها مجهود
حتي لو عديت مرحلة الثانوية وانت بتتوتر هل انت ضامن انك تبقي دكتور ناجح بالتوتر بتاعك دا ؟
فالخلاصة التوتر دا له علاقة بصفاتك الشخصية
طالما عايز تبقي دكتور لازم تبذل مجهود فانك تطور من نفسك وتتغلب علي مشكلة التوتر
عشان تستحق تدخل الكلية وتبقي دكتور ناجح مش دكتور والسلام
وفي النهاية دي وجهة نظر لا اكتر ولا اقل
0 تعليقات