أين أنت في المرحلة الجامعية

كتير قبل واحنا في الاعدادية كنا بنسمع جملة ان الثانوية مختلفة شوية عنها ومبالغات كتير عن صعوبة الثانوية والفيزياء وفي الحقيقة هي المرحلة الاعدادية والثانوية قريبين من بعض شوية مفيش اختلاف كبير بينهم، بردو سمعنا كتير ان المرحلة الجامعية مختلفة عن المرحلة الثانوية فاحنا هنتكلم في الموضوع دا، هل فعلا مختلفة؟وهل الاختلاف كبير ولا يمكن التأقلم معها؟

بداية المرحلة الجامعية مختلفة بنسبة كبيرة عن الثانوية والاعدادية ما علينا من موضوع ان فيه كليات كتير بالانجلش دا ناقشناه في بوست قبل كدا هي مختلفة لانك هتبدا تنفح وتشوف ناس كتير جديدة وتقاليد جديدة ومواهب وتفوات في القدرات الذهنية وحاجات كتير، مثلا لو شوفت واحد بيرسم رسم حلو واحد بيعرف يحفظ بسرعة واحد بيعرف يقلد اصوات واحد غني ومعاه عربية واحد واحد واحد، ملكش دعوة بحد ومتقارنش نفسك بحد يعني مثلا مش عشان واحد بيحفظ بسرعة يبقي اشطر منك وانت كدا خلاص وحش هو دي اكتر حاجة انا عايز اركز عليها بالذات، كون لنفسك ودور علي نفسك وشوف ربنا مديك ايه زي ما مدي لكل البشر عشان تقدر تستغلها، وخلي بالك من تقديرك لانهم مهم وبلاش مبدا انا كدا كدا هفتح صيدلية في الاخر فمش مهم التقدير بفرض مثلا اني بتكلم علي طالب صيدلة او اي طالب، التقدير هيفيدك كتير في سرعة توظيفك وفي التقديم للمنح والسفر لو كنت من الاوائل وفي كل حاجة فحاول تهتم بيه علي قد ما تقدر وتذاكر وفنفس الوقت استمتع بحياتك، الحياة من عذاب ومذاكرة ولا متعة وفسخ، وسط ما بينهم، كمان عايز اكلمك في نقطة الغربة، مش سهلة في الاول بس متستسلمش وعافر وهتتعود عليها واحدة بواحدة فمتقلقش منها


عيش فترة شبابك عادي جدا واستمتع والعب بس كل حاجة وليها حقها وقت الدراسة والامتحانات دا وقت مهم والاجازات الاسبوعية والصيفية ابقي اعمل الي انت عايزه عادي